2014年1月2日 星期四

Eden Rose Restaurant 食評**

拖了超久的食評..終於的說..(汗)

先說說餐湯吧～


黑松露菌忌廉湯入口除左有濃濃的菌類香氣，香滑之餘，仲有超有咬口的菇碎增加口感！

龍蝦湯味道夠鮮甜，不過相比起黑松露菌忌廉湯略嫌咬口不足，不過純粹個人喜好。

每次食西餐／泰菜必定要有的蒜蓉包，好味！最重要係有蒜蓉味加烘得脆口！

還有的就是黑醋調味的蕃茄粒醬（？），我跟男友都是不吃蕃茄的人，但我食完一啖都有興趣食多啖，而男友誇張的整個吃完LOL...
與別家不同而又令我吃下去的，相信是把蕃茄中的腥味除去而又帶出蕃茄中的鮮味～所以，怕吃蕃茄的人亦值得一嘗呀!!


輪到前菜～

先說左邊的燒帶子柚子沙律，柚子加上帶子的配搭，超合！柚子帶出帶子的鮮味，而且帶子本身沒有煮得過火，夠爽口！開胃前菜！

而右邊的荷蘭煙鱔柳..我跟男友一度認為係豬頸肉....XD..不似平時魚肉的質感味道，似食緊煙燻的肥豬肉，但並不油膩！唔食魚既我倆，都清左！

仲有西班牙黑毛豬風乾火腿搭上超甜既蜜瓜，岩岩好沖淡黑毛豬火腿的咸味但又有令蜜瓜更甜的效果lol。。讚！

三件小吃中，反之鵝肝醬多士雖好食，但比較另外兩款稍稍失色呢..


主菜：

炭燒鵝肝牛柳既鵝肝完完全全滿足到我呢啲要求大大啖既人士，厚到呢....而且煎到外邊脆脆到，都有一種外脆內軟既感覺。反之牛柳就淡味左小小，但生熟度就係我所要求的6成（好多餐廳做唔到呢點..）

墨魚原汁燴天使麵 配 珍寶牡丹蝦，男友大愛，成碟7成都係落左係佢肚入邊！墨魚汁的份量絕對唔小野，可以做到啖啖都沾滿墨魚汁既效果，最最重要係天使麵煮得恰到好處，煙煙韌韌。

甜品方面：
男友最愛提拉米素～咖啡味夠濃，cream甜而不膩～

而我就鍾情於柑味雪芭～酸酸甜甜，超濃柑香～大愛大愛～

在這次試食之後，我2013的結尾就選擇了跟好友一起渡過～亦因為美食而選擇了Eden Rose Restaurant 作2013最後晚餐～

店家甜心的為甜品加上小小的點綴，盡得在場女性友人歡心=]！！



Eden Rose Restaurant : 銅鑼灣軒尼斯道499號永光商業大廈19樓
TEL: 2836 6880
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

張貼者： 於

沒有留言:

張貼留言

訂閱： 張貼留言 (Atom)